මේක නම් හරිම අපූරු චිත්‍රපටියක්. මුල ඉඳන් අගටම, කිසිම කම්මැලිකමක් නැතුව බලා ඉන්න පුලුවන් චිත්‍රපටියක්. ඒ වගේම මේක චීන-ප්‍රංශ චිත්‍රපටියක්. ඒ කියන්නේ මේක හදන්න මේ රටවල් දෙකේම නිර්මාණකරුවන් දායක වෙලා තියෙනවා. මූලිකවම ගත්තොත්, මේ චිත්‍රපටය ක්‍රියාදාම චිත්‍රපටයක්. ඒ කියන්නෙ මෙකෙ අපිව කුල්මත් කරවන සටන් ජවනිකා රැසක් අඩංගු වෙලා තියෙනවා. ඒ එක්කම මේක විනෝදය, කෘතුහලය හා ත්‍රාශය ගෙනදෙන විද්‍යාප්‍රභන්ධ චිත්‍රපටියකුත් වෙනවා.
මේ අපූරු චිත්‍රපටියෙ ප්‍රධාන චරිතය වෙන්නෙ ඉස්කෝලෙ යන කොලු ගැටයෙක්. මේකා නිකම්ම නිකම් කොලු ගැටයෙක් නෙවෙයි වීඩියෝ ගේම් ඔස්තාද් කෙනෙක්. මෙයාට එයාගෙ චීන යාලුවෙක්ගෙන් හරි අපූරු තෑග්ගක් ලැබෙනවා. බැලූ බැල්මට ඒක වේවැල් වලින් වියපු පෙට්ටියක්. නමුත් මේක වෙනත් රාජධානියකට පිවිසෙන දොරටුවක් කියල පස්සෙ හෙලි වෙනවා. හැම කොල්ලෙක්ම වගේ මේ කොල්ලත් කිසිම ඇහිල්ලක් බැලිල්ලක් නැතුව ලස්සන චීන කෙල්ලෙක් පස්සෙන් මේ දොරෙන් අර චීන රාජධානියට පිවිසෙනවා. එතන ඉඳන් තමා නියම කතාව පටන් ගන්නෙ. එයා දන්න ඔක්කොම වැඩයි තව අමතර වැඩයි පෙන්නල ඒ රටේ ඔටුන්න හිමි කුමාරිකාව මිලේච්ච හමුදාවකින් බෙර්‍රගන්න දරන උත්සාහය මේ කතාවෙන් හරි අපූරුවට පෙන්නල තියෙනවා.
කොහොම උනත් මේ අපූරු චිත්‍රපටයට මූල්‍යමය වශයෙන් නම් එච්චරම සාර්තක වෙන්න බැරි වෙලා තියෙනබවකුයි පේන්නෙ. ඇමරිකානු ඩොලර් මිලියන 48ක් වැය කලත් උපයගන්න සමත් වෙලා තියෙන්නෙ ඒ වියදමෙන් පොඩි කොටසක් විතරයි. හොලිවුඩ් චිත්‍රපටයක් තරම්ම අපූරුවට නිර්මාණය කරල තිබුනත්, ඒ තරම් ප්‍රචාරක හැකියාවක් නොතිබීම මේකට හේතුවෙන්න ඇති කියලයි මට හිතුනෙ. මම මේ චිත්‍රපටයේ පූර්ව ප්‍රචාරක පටයක් මේ එක්කම දාල තියෙනවා. ඔයාල ඒක බලල තීරණය කරන්න මේක බලන්න තරම් වටින චිත්‍රපටයක්ද නෙවෙයිද කියල
.
. 
No comments:
Post a Comment