කොලොම්බියාව කියන්නෙ දකුණු අමෙරිකා මහද්වීපයට අයිති රටක්. මේ ලිපියෙ අරමුණ කොලොම්බියාව ගැන කතා කිරීම නෙමෙයි උනත්, මම කියන්න හදන මේ අපූරු චිත්‍රපටයේ මූලාරම්භය කොලොම්බියාව නිසා තමයි මම මේ ලිපිය එතනින් ආරම්භ කලේ. කොලොම්බියාව තවමත් දියුණු වෙමින් පවතින රටක් උනත් ඒ රටේ සිනමා කර්මාන්තය බොහොම ඉහල මට්ටමක පවතිනව කියල මේ චිත්‍රපටය නරඹපුවහම හිතා ගන්න පුළුවන්.
මේක ආදර කතාවක් මූලික කරගත්ත චිත්‍රපටයක්. ඒ උනත්, ඒක සරල රේඛීයව ගලාගෙන යන සාමාන්‍ය ආදර කතාවක් නම් නෙමෙයි. මේ කතාවෙදිත් කොල්ලෙකුට කෙල්ලෙක් මුණ ගැහෙනවා. හැබැයි මේ කෙල්ලට වෙන කොල්ලෙකුත් ඉන්නව. නිකම්ම කොල්ලෙක් නෙවෙයි විවාහ ගිවිසගත්ත කොල්ලෙක්. මේ කෙල්ල කතා ගොතන්න හරි දක්ෂයි. කෙල්ලගෙ කතා හැබැයි බොහොම භෘංගාරාත්මකයි. මේ හැම කතාවකම කතානායිකාව මේ කෙල්ලම තමයි. කතා නායකය කොල්ල උනත් කොල්ල ඒ බව දන්නෙ නෑ. එයා හිතන්නෙ මේ කෙල්ල ගොඩක් කොල්ලො එක්ක පැටලිච්ච නරක් කෙල්ලක් කියල. කෙල්ල එයාගෙ විවාහාපේක්ෂක කොල්ලව අත ඇරල, කොල්ල එක්ක එකට ජීවත් වෙන්න ගත්තට පස්සෙවත් කොල්ලට බැරි වෙනවා එයාගෙ හිතේ තියන සැකේ දුරු කරගන්න. ඉතින් මිනිහ කරන්න වෙන කෙනෙක් යවනව වගේ කෙල්ලට ලියුම් යවන එක. අන්තිමේදි මේ ලියුම්වල බලපෑම නිසා මේ දෙන්නා වෙන් වෙන තැනටම මේ ආදර කතාව දෙදරල යනවා.
මේ කතාව හරිම අපූරුයි; සුන්දරයි; ඒ වගේම භෘංගාරාත්මකයි. මේකෙ නිරුවත් දර්ශනත් මහ විශාල ප්‍රමාණයක් අන්තර්ගත වෙලා තියෙනවා. මේ ලිපිය කියවන ඔයා චිත්‍රපටි බලන, බලල රස විඳින කෙනෙක් නම් ටොරන්ට් සයිට් එකකින් භාගෙන මේ චිත්‍රපටිය බලන්න කියල මම ආරාධනා කරනවා. ඒකෙන ඔයාට කිසිම පාඩුවක් වෙන එකක් නෑ. මේකෙ භාෂාව වෙනස් නිසා ඉංග්‍රීසි උප සිරැසි සහිතව බලන එක තමා වඩාත් උචිත වෙන්නෙ. ඒකට ගැලපෙන උපසිරැසිය හොයාගන්න එක ටිකක් අපහසු කාර්‍යයක් නිසා ඒක මම මේ ලිපියට පහලින් දාන්නම්.
මේ වීඩියෝවෙ දැක්වෙන්නෙ මේ චිත්‍රපටයේ පූර්ව ප්‍රචාරක පටය. ඒකෙනුත් ඔයාලට මේ චිත්‍රපටය ගැන දල අදහසක් ලැබේවි.
වීඩියෝව පහතින් නරඹන්න
No comments:
Post a Comment