එදිරිසිංහ ට්‍රස්ට් විශ්වාසය බිඳී... ගණුදෙනුකරුවෝ මූලස්ථානය වටලති.

එදිරිසිංහ ට්‍රස්ට් ඉන්වෙස්ට්මන්ට් යනු ශ්‍රී ලංකාවේ ප්‍රමුඛ පෙලේ මූල්‍ය ආයතනයකි. ඊ.ටී.අයි. යනු ඔවුන් සතු මූල්‍ය සමාගමක් වන අතර එමගින් ආකර්ෂණීය පොලී අනුපාත ලබා දෙමින් ගණුදෙනුකරුවන්ගේ මුදල් තැන්පතු ලබා ගනී. අද වනවිට මෙම මූල්‍ය සමාගම බිඳ වැටීමකට ලක් වී ඇති බවක් පෙනී යයි. ඒ ඔවුන් සිය ගණුදෙනුකරුවන්ට නියමිත මුදල් හෝ පොලී ලබාදීමට අපොහොසත්ව ඇති තත්වයකට පත්ව ඇති නිසාය. මෙනිසා අපහසුතාවයට ලක්වූ ගණුදෙනු කරුවෝ ආයතනයේ මූලස්ථානය වටා රැස්වී උද්ඝෝෂණය කර මුදල් නැවත ඉල්ලාසිටින ඉතා අසරණ තත්වයකට පත්ව සිටිති. මෙමෙ වීඩියෝවෙන් දැක්වෙන්නේ එම උද්ඝෝෂණයේ අවස්ථා කීපයකි. කණගාටුවට කරුණනම් අධික ලාභය පසුපස හඹායාම නිසා ශ්‍රී ලාංකිකයන් තවත් පිරිසක් නිකරුණේ අමාරුවේ වැටී ඇතිබව අපට පෙනී යාමයි. හිතවත් ශ්‍රී ලාංකිකයිනි! දැන්වත් මෙවන් රැවටිලිකාරයින්ට හසුවීම නවතා ගන්න. ලංකා බැංකුව, මහජන බැංකුව වැනි ලංකාවේ ඉහලම පෙලේ බැංකු වලට පවා ලබාදිය නොහැකිතරම් පොලියක් වෙනත් කුඩා මූල්‍ය සමගමක් විසින් ඔබට පිරිනමන්නේ කෙසේද? ඔබට සිතීමට කාලය දැන් එළඹ ඇත. පමා නොවී අදම ඔබේ මුදල් රාජ්‍ය බැංකුවක රැකවරණයට පත් කරන්න.

 වීඩියෝව පහතින් නරඹන්න...

අළුත් අවුරුදු නැකැත් සීට්ටුව 2018

වීඩියෝව නැරඹීම සඳහා පහතින් ක්ලික් කරන්න...

 

Black sails... මුහුදේ මාරයෝ...

මුහුදේ මාරයෝ

මෙයනම් ඉතාම රසවත් රූපවාහිනී මාලා නාටකයකි. එහි, විශිෂ්ඨ ඝනයේ රූප රචනයක් අඩංගු විය යුතු සියලු අංගෝපාංග අඩු නැතුවම අඩංගු වී ඇතිබව පැකිලීමකින් තොරවම පැවසිය හැක. 

මෙහි කතා සාරය ගොඩ නැඟී ඇත්තේ ලෝකයේ එතෙක් මෙතෙක් බිහිවූ අති බිහිසුණුම, කෲරම හා විනාශකාරීම යැයි හංවඩු ගැහී ඇති ලොව පතලව සිටි හා ලෝකයේ සැබැවින්ම විසූ මුහුදු මංකොල්ල කරුවන් පිරිසක් වටාය. ඔවුන් සැබැවින්ම අප අසා තිබෙන පරිදි කිසිදු හිතක් පපුවක් නැති මිනීමරුවන් පිරිසක්ද එසේනම් ඔවුන් එසේ වීමට බලපෑ හේතු මොනවාද යන කරුණු මෙන්ම ඔවුන්ද අප මෙන්ම විවිද මානුෂීය ගුණාංගද කැටිවූ මානවයන් පිරිසක්මය යන කරුණද මෙම මාලා නාටකයෙන් මනාව පිළිබිඹු කර ඇත. කෲරතමයන් ඔවුන් පමණකම නොවේ; බලය හා ධනය හඹාගිය බටහිර ලෝකයේ සුදු අධිරජවරුන්ගේ දැඩි කෲරත්වයද මෙම නාටකයෙන් පෙන්වා දී ඇත. 

මෙයට අමතරව අප කවුරුත් අසා ඇති "සම්පත් දූපත නැතහොත් treasure island" නවකතාවේ චරිතද මෙම මාලා නාටකයේ විවිධ භූමිකා රඟති. ඇත්තෙන්ම මෙය එම නවකතාවේ පසුබිම් පිවිසුම ලෙසද ඇතැමුන් හඳුන්වති.

 මෙම මාලා නාටකය සීසන්ස් හතරකින් සමන්විතය. එසේම මෙහි නිරුවත් හා බෲන්ගාරත්මක දර්ශනයන්ද මහත් රාශියක් අඩංගුවේ. එසේම බිහිසුණු සටන්, කෲර හා මිලේච්ච ඝාතන හා ලේ වැගිරවීම් ආදියද හරි හරියට අඩංගුය. කොටින්ම කියතොත් මෙය අතිශයින්ම වැඩිහිටියන්ට පමණක් සුදුසු රූපවාහිනී මාලා නාටකයකි.

 ඔබ ටොරන්ට් ගැන දන්නේ නම් මෙහි සියලු සීසන්ස් ටොරන්ට් හරහා භාගත කර ගැනීමට ඔබට පුලුවන. මෙහි අඩංගු ත්‍රාශය, භීතිය, බෘංගාරය හා කෘතුහලය දනවන බොහෝ දර්ශණ ඉහල පෙලේ හොලිවුඩ් චිත්‍රපටයක තරම්ම විශිෂ්ඨ බවින් යුතු බවද නොකියාම බැරිය.